VR Krtsanisi Resort Residence

პროექტის შესახებ:

VR Holding აგრძელებს თანამედროვე უბნის, “კრწანისი რესორტ რეზიდენსის“ განვითარებას. ჩვენ ვაშენებთ პრემიუმ კლასის, თანამედროვე გეგმარების მქონე საცხოვრებელ უბანს გრიგოლ ვოლსკის ქუჩაზე. “კრწანისი რესორტ რეზიდენსი” – პირველი რესორტული ტიპის დასახლებაა დიპლომატიურ უბანში.  სუფთა ჰაერი, სიმშვიდე და ეკოლოგიურად ჯანსაღი გარემო პროექტის ერთ-ერთი უმნიშვნელოვანესი მახასიათებელია.

“კრწანისი რესორტ რეზიდენსი” გაშენებულია 20 ჰექტარ მიწის ფართობზე თბილისის ისტორიულ და პრესტიჟულ ნაწილში, კრწანისში. “კრწანისი რესორტ რეზიდენსი” თავისუფლების მოედნიდან მხოლოდ 6 კილომეტრში, ხოლო აეროპორტიდან 17 კილომეტრში მდებარეობს და ტერიტორიიდან იშლება ულამაზესი პანორამული ხედები ქალაქზე.

ახალი უბნის კონცეფციაზე და დაპროექტებაზე მთლიანად ჩვენმა მაღალკვალიფიციურმა საპროექტო ჯგუფმა იმუშავა. პროექტი გამოირჩევა განსხვავებული ლანდშაფტის დიზაინით და მრავალფეროვანი ინფრასტრუქტურით. ტერიტორია საცხოვრებელ ზონასთან ერთად მოიცავს საგანმანათლებლო, სპორტულ, სარეკრეაციო და გასართობ ინფრასტრუქტურას. ჩვენი ინოვაციური პროექტი ნერგავს ახალ სტანდარტებს, რომლებიც აუმჯობესებენ მაცხოვრებლების ცხოვრების ხარისხს.

პროექტის 70% რეკრეაციული ზონისგან შედგება, რომელიც მოიცავს საცურაო აუზებს, ფიტნეს დარბაზებს, საჯინიბოს, მინი გოლფის მოედნებს, ჩოგბურთის მოედნებს, პადელის ჩოგბურთის მოედანს, ფეხბურთისა და კალათბურთის მოედნებს. პროექტი ასევე მოიცავს საგანმანათლებლო სივრცესა და კომერციული დანიშნულების შენობას, რომელშიც განთავსებული იქნება დიდი მოცულობის ჰიპერმარკეტი, კაფეები, სალონები, მაღაზიები, სამუშაო სივრცეები, დახურული საცურაო აუზი და ფიტნესცენტრი.

ჩვენი დევიზია “ისუნთქე, იცხოვრე, დაისვენე”, რის საფუძველზეც გთავაზობთ კომფორტს, უსაფრთხოებას, უმაღლეს ხარისხსა და ეკოლოგიურად სუფთა გარემოს.

“კრწანისი რესორტ რეზიდენსში” შეხვდებით რამდენიმე სახის საცხოვრებელს:

• აპარტამენტებს საკუთარი ეზოთი
• სტანდარტულ აპარტამენტებს
• პენტჰაუსებს საკუთარი აუზით
• თაუნჰაუსებს
• როიალ თაუნჰაუსს
• ვილებს

მშენებლობის სტანდარტი:

“კრწანისი რესორტ რეზიდენსში” გამოყენებულია საუკეთესო სამშენებლო და დეკორაციული მასალები. ბლოკები ჩამოსხმულია მონოლითური ტიპის სტრუქტურით, გამოყენებულია ენერგო ეფექტური მასალები, ფასადი მოპირკეთებულია ვენტილირებადი ტრავერტინის ქვით, გამოყენებულია შუკოს სლაიდური ტიპის კარ-ფანჯარა, დამონტაჟებულია ოტისისა და კონეს პანორამული ლიფტები.

რეკრეაციული ზონები:

შენობებს შორის არის 25-50 მეტრი დისტანცია და საცხოვრებლების ირგვლივ მოწყობილია სხვადასხვა სახის მცენარეების რეკრეაციული ზონები. რეკრეაციულ ზონებში თქვენ შეხვდებით უნიკალური ჯიშის მცენარეებს, მათ შორის 500-წლოვან ზეთისხილის ხეებს. ჩვენ ვუქმნით მაცხოვრებელებს ისეთ გარემოს, სადაც ისინი შესძლებენ ერთიან გარემოში სრულფასოვან დასვენებას და ცხოვრებას.

ჩაბარების პირობა:

ბინები ბარდება მწვანე კარკასული მდგომარეობით. სურვილისამებრ, ინდივიდუალურად, ჩვენ ასევე გთავაზობთ დასრულებულ და უმაღლესი ხარისხის რემონტს, სადაც დაგხვდებათ სრულად მოწყობილი აბაზანა, ჩაშენებული სამზარეულო გაზქურით, გამწოვითა და ჭურჭლის სარეცხი მანქანით, ცენტრალური გათბობის სისტემა გათბობის ქვაბითა და რადიატორებით.

“კრწანისი რესორტ რეზიდენსი” 6 ფაზისგან შედგება, საიდანაც სამი ფაზა უკვე დასრულებულია და გრძელდება დარჩენილი ფაზების მშენებლობა. ამ ეტაპზე შეთავაზებაშია მეოთხე და მეხუთე ფაზის ბლოკები.

დასრულების ვადები:

10-11-12-13 ბლოკები: 2024 წლის ივნისი
14-15-16-17 ბლოკები: 2024 წლის აგვისტო
18-19-20-21 ბლოკები: 2025 თებერვალი
22-23-24-25 ბლოკები: 2025 აპრილი
26-27-28 & 29-30 ბლოკები: 2025 დეკემბერი
31-32-33 & 34-35 ბლოკები: 2027 მარტი